Leikskólarnir


Heilsuleikskólinn Krókur

Heilsuleikskólinn Krókur í Grindavík tók til starfa 5. febrúar 2001. Leikskólinn er fyrir börn frá 18 mánaða aldri til 6 ára. Það eru fjórar deildir á leikskólanum og geta 105 börn dvalið þar samtímis. Krókur er 684,7 m2 að stærð og er byggingin í eigu Grindavíkurbæjar. Skólinn var vígður sem Heilsuleikskóli þann 5. nóvember 2003 og fékk Grænfánann, alþjóðlega viðurkenningu fyrir öflugt umhverfis- og náttúruverndarstarf, í þriðja sinn í júní 2013.

Sjá vef Heilsuleikskólans Króks

Heilsuleikskólinn Kór

Heilsuleikskólinn Kór í Kópavogi tók til starfa 1. júní 2006. Leikskólinn er fyrir börn frá 18 mánaða aldri til 6 ára. Það eru sex deildir (lundir) á leikskólanum og geta 124 börn dvalið þar samtímis. Kór er 842 m2 að stærð og er byggingin í eigu Kópavogsbæjar. Skólinn var vígður sem Heilsuleikskóli þann 1. desember 2008 og fékk Grænfánann, alþjóðlega viðurkenningu fyrir öflugt umhverfis- og náttúruverndarstarf, í annað sinn í maí 2014.

Sjá vef Heilsuleikskólans Kórs

Heilsuleikskólinn Hamravellir

Heilsuleikskólinn Hamravellir í Hafnarfirði tók til starfa 1. júní 2008. Leikskólinn er fyrir börn frá 18 mánaða aldri til 6 ára. Það eru fimm deildir á leikskólanum og geta 120 börn dvalið þar samtímis. Hamravellir er 725,5 m2, færanleg útistofa er 120 m2 að stærð og er byggingin í eigu Hafnarfjarðarbæjar. Skólinn var vígður sem Heilsuleikskóli þann 1. desember 2008 og vinnur að því að fá Grænfánann með þátttöku í öflugu umhverfis- og náttúruverndarstarfi.

Sjá vef Heilsuleikskólans Hamravalla

Heilsuleikskólinn Háaleiti

Heilsuleikskólinn Háaleiti í Reykjanesbæ tók til starfa 2. september 2008. Leikskólinn er fyrir börn frá 22 mánaða aldri til 6 ára.  Það eru þrjár deildir á leikskólanum og geta um 70 börn dvalið þar samtímis. Háaleiti er 1090 m2 að stærð og er byggingin í eigu Reykjanesbæjar.  Skólinn var vígður sem Heilsuleikskóli þann 11. júní 2010, fékk grænfánann alþjóðlega viðurkenningu fyrir öflugt umhverfis- og náttúruverndarstarf á 7 ára afmæli skólans 2015  og stefnir að  fá hann afhendann í annað sinn á 10 ára afmæli skólans 2018. Heilsuleikskólinn Háaleiti er heilsueflandi leikskóli og fyrsti leikskólinn á landinu til þess að innleiða YAP og fékk viðurkenningu frá Special Olympics á Íslandi.

Sjá vef Heilsuleikskólans Háaleitis

Ársól - ungbarnaleikskóli

Ungbarnaleikskólinn Ársól í Reykjavík tók til starfa 1. desember 2008. Leikskólinn er fyrir börn frá 9 mánaða aldri til 3 ára. Það eru þrjár deildir á leikskólanum og geta 68 börn dvalið þar samtímis. Ársól er 467 m2 að stærð og er byggingin í eigu Reykjavíkurborgar. Skólinn var vígður sem Heilsuleikskóli þann 13. júní 2013 og vinnur að því að fá Grænfánann með þátttöku í öflugu umhverfis- og náttúruverndarstarfi.

Sjá vef Ungbarnaleikskólans Ársólar